Natatakot akong hindi tanggapin ng ibang tao
‘Yung may ideya ka
'Yung may ginawa ka
'Yung may nasabi ka
Isang araw
Magagawa ko ding
Makalaya sa
Aninong
Bumabalot
Sa aking isipan
Isang araw
Sobrang daming
'Di pagtanggap
Ang aking mararanasan
At di ko na
Magagawa
O maiisipang
Matakot pa
Dahil bakit pa?
Talagang ganito
Ang buhay
'Di ako
Perpekto
Upang ako'y
Patuluyin lamang
Ng ibang tao
Sa tahanan
Ng kanilang
Mga isipan
Nang basta-basta
Kailangan ko
Ring ipakita
Na ako'y
Karapat-dapat sa
Kanilang magandag
Kalooban
At hindi ba,
Lahat ng tao'y
Nakakaranas ng
Ganitong pakiramdam?
Kaya hindi ka
Talaga naiiba
Sa kanila
Magagawa mo ding
Tapatan ng
Liwanag
Ang iyong
Madilim na isip
Sadyang mahirap
Mahaba pa ang
Iyong lalandasin
Pero hinding-hindi
Ka magsisisi
Sa madadatnan mo
Sa hulihan ng
Paikot-ikot na
Lansangan
Na kung tawagi'y
Buhay
